На 14.10.2025г Вторник, се одржа целодневен работен состанок за изминатите и тековните активности и обврски како и финансиската документацијата за новата транша од буџетот ко-финансиран од ЕУ во вредност од од 3,7мил евра за SEBCoVE Project (Паметна електрична енергија за згради).
Состанокот го отвори проектниот менаџер на ССКМ Г-дин Dragan Pehchevski , а тимовите на трите партнерски институции Емкице, Centar za razvoj na Jugoistocen region и Сојуз На Стопански Комори-ССКМ ги дискутираа анализите и потребите за знаења, вештини за новите професии, како и состојбите во секторите и регионите кои се опфатени со проектот.
Како домакин на работниот состанок, новоизбраниот претседател на ССКМ Г-дин Goran Gjorgjievski, го презентираше новото раководство, новите работни тела на комората, новите групации за енергетика и минерални суровини, за против-пожарна заштита и кризен менаџмент, за игри на среќа и за стартап компании. Фокус на дискусијата беше потребата за едукација и сертификација на професии, знаења и вештини кои се дефицит на пазарот, потреба на компаниите, клучен сегмент за економски раст, а дел од таа листа е предмет на проектот SEBCoVE.
Dance Pop-Ivanova Ilieva , Daniela Mafkova и Maria Bandulova Taseva од Југоисточен плански регион, ги презентираа финасиските аспекти на јавните институции и регионалните потреби за вештини на вработени во секторите Енергетика, Електроника и Електрика при имплементирање на проектот за учесниците на едукацијата согласно 12те модули и нивна ЕУ сертификација.
Националниот координатор на проектот SEBCoVE, Илија Вучков го водеше прегледот на состојбата за изминатите месеци, реализираните и тековните активности и следните 9 месеци потребни за реализација на проектот.
Посебно беше разгледана и усогласена процедурата за формално воспоставување на (CoVE-Centre of Vocational Excellence) – Центар за стручно образование и извонредност, неговиот систем, структура, одговорности и вклучување на нови партнери од приватниот, јавниот и академскиот сектор, како и екосистемот на млади претприемачи низ осумте региони во Македонија.
Во финална фаза се 12те модули за едукација со стекнување на европски сертификат, а за овие позиции ќе бидат објавени јавни конкурси за избор на експерти, предавачи и соодветни млади раководни кадри.
Подетални информации ќе бидат објавени наскоро за почетокот на курсевите во ноември 2025г.
CoVE значи Centre of Vocational Excellence – Центар за стручно образование и извонредност.
Накратко, CoVE е регионален екосистем што ги поврзува:
• образованието (VET(СОИ)/универзитети)
• бизнисот и индустријата
• јавните институции/општини
за да создава врвни програми, соработка со академскиот сектор користење на лаборатории и креирање на нови услуги во одредена стратешка област (кај нас: „Паметна електрична енергија за згради“).
Тука улогата на партнерите е да обезбедат пракса, ЕмкицеКИЦ за надвор од земјата во ЕУ земјите членки, Југоисточен плански регион за соработка со јавните институции и општините, а улогата на ССКМ во обезбедување на пракса на посетителите на курсевите дисемнирани во компаниите членки на комората и странски компании во земјата.
Што прави еден CoVE:
• ко-дизajn на наставни програми во соработка со компаниите (практична обука, микрокреденцијали, европска сертификација)
• living labs и пилоти со реални компании
• мобилности и стажирања (ученици/наставници)
• QA/стандарди (EQAVET, ISO 21001) и следење на резултати
• вмрежување со други европски партнери и заеднички ЕУ проекти
Зошто е важно:
• побрзо усогласување на вештините со пазарот
• повисок квалитет на обука и вработливост
• поддршка за стартапи и иновации
• полесен пристап до ЕУ финансирање и партнерства
Модули/Курсеви кои ќе бидат отворени од Ноември 2025г
Modules/Courses opening from November 2025
MC01 Digitalization & Automation Technologies Specialist (50+10h)
MC02 BAS Installer & Technician (50+10h)
MC03 Renewable Energy Systems Installer (50+10h)
MC04 Energy Storage Systems Installer (50+10h)
MC05 EV Charging Systems Specialist (50+10h)
MC06 Energy Data Analyst (50+10h)
MC07 Smart Grid Specialist (50+8h)
MC08 Electricity Markets Specialist (50+10h)
MC09 Buildings Energy Efficiency Auditor (50+10h)
MC10 Sustainability Manager (50+10h)
MC11 Cross-Disciplinary & Soft Skills Specialist (50+10h)
MC12 Digital Trainer (50+0h)
